2026 жылғы 12 ақпанда институттың тәрбие жұмысы бөлімінің аға инспекторы полиция аға лейтенанты Б. Айсұлтан Ақтөбе қаласындағы №34 орта мектебінің 10-11 сынып оқушыларына кәсіби бағдар беру жұмысын жүргізді. Кездесу барысында оқушыларыға институтқа қабылдау тәртібі, оның артықшылықтары мен мүмкіндіктері туралы толық мәлімет беріліп, ақпараттық буклеттер таратылды.

Мамандықты дұрыс таңдау – бала болашағының маңызды кезеңі. 2026 жылғы 6 ақпан күні М.Бөкенбаев атындағы Ақтөбе заң институтының тәрбие жұмысы бөлімі “Дүние” колледжінің студенттеріне Ашық есік күнін өткізді. Аталған шара студенттерге колледжді тәмамдағаннан кейін мамандық таңдауға, институттың тыныс-тіршілігімен, материалдық базасымен танысуға және кәсіби бағыт-бағдар алуға мүмкіндік берді.

2026 жылғы 21 қаңтарда институт басшылығының алғашқы кәсіби даярлық курсынан өтуге келген тыңдаушылармен кездесуі өтті. Жиын барысында тыңдаушыларға күн тәртібі, тәртіп пен заңдылықты сақтау талаптары, оқу процесінің ұйымдастырылу, нысанды киім кию тәртібі, әскери қызметкерге қойылатын моральдық-этикалық нормалар мен болашақ қызметтің жауапкершілігі туралы түсіндіру жұмыстары жүргізілді.