Көлік объектілерінде қауіпсіздікті ұйымдастыру кафедрасының оқытушылық құрамының ұйымдастыруымен “Теміржол көлігі объектілерінде құқықбұзушылыққа қарсы іс-қимыл” тақырыбында симуляциялық жаттығулар жүргізілді. Сабақ барысында тыңдаушылар шынайы құқықбұзушылыққа жақын жағдайда өздерінің білімдерін қолдануды үйренді.

Институттың ІІО әкімшілік қызметі кафедрасының оқытушылары Ақтөбе қаласы ПБ патрульдік полиция батальонының қызметкерлерін шақыртумен тындаушыларға тәжірибелік сабақ өткізді.

10 қырқүйекте – Отбасы күні кәсіби психологиялық даярлық және ІІО басқару кафедрасының ұйымдастыруымен «Отбасы – бақыт мекені» тақырыбында іс-шара өткізілді. Іс-шара барысында тыңдаушылар отбасы құндылығы мен міндеті турлы өз ойларын ортаға салып пікір таласты.

Тілдер апталығының аясында Ақтөбе облысының тілдерді дамыту басқармасының Тілдерді оқыту орталығының директоры К.Х.Серғазина және Орталық директорының орынбасары Г.Н.Төлегенова Институттың тұрақты және ауыспалы құрамына «Латын графикалы қазақ әліпбиі: оқу, жазу» тақырыбында ақпараттық-лингвистикалық семинар-тренинг өткізіп, тіл саласындағы реформалар мен жаңашылдықтар туралы ақпаратпен бөлісіп, тренингтік жұмыстар жүргізді.

Алғашқы кәсіби даярлық курс тыңдаушыларына жалпы заң пәндер кафедрасының қызметкерлері тыңдаушыларға кафедраның күнделікті өмірі мен жетістіктерін жеткізу мақсатында КАФЕДРА КҮНІН өткізді.Сондай-ақ, тыңдаушыларға Конституция күніне арналған баяндамалар оқылды, конституциялық даму кезеңдеріне арналған деректі фильм көрсетілді және оқытушылар тыңдаушылармен бірлесіп патриоттық әндер орындап концерт ұйымдастырды.