Демалыс күні бос уақытты тиімді өткізу мақсатында 1 курстың 102-топ курсанттарына тимбилдинг ұйымдастырылды.Курсанттар табиғат аясында бірге серуендеп, түрлі жарыстар өткізіп, волейбол ойнап, ұжымдық ынтымақтастықты нығайтты. Тимбилдинг жастарға ерекше ұмытылмас эмоциялар мен позитивті көңіл-күй сыйлады.

Ұлы Отан соғысындағы Жеңістің 80 жылдығына және Кеңес Одағының Батыры Әлия Молдағұлованың 100 жылдығына орай институт офицерлерінің балалары арасында сурет салу байқауы өтті.Шығармашылық сайыс барысында балалар өз туындылары арқылы Отанға деген сүйіспеншіліктері мен бейбіт өмірдің маңызын бейнеледі. Байқау қорытындысы бойынша үздік деп танылған қатысушылар грамоталармен және естелік сыйлықтармен марапатталды.

ҚР ІІМ М.Бөкенбаев атындағы Ақтөбе заң институтында халқымыздың ұлы кемеңгер, ойшыл ақыны, Абай Құнанбаевтың 180 жылдығына арналған « Ұлы Абай тағылымы» атты танымдық іс-шара өтті. Шараның басты мақсаты ақынның өмірі мен шығармашылығын таныту арқылы оның ақындық тұлғасы мен философиялық ойларынан нәр алғызу, сөз қазынасын, асыл мұратын жас ұрпақтың бойына сіңіру.

Қазақ халқының ұлы кемеңгер, ойшыл ақыны Абай Құнанбаев –ұлт санасының шамшырағы. Оның шығармалары жастарды өз халқына адал қызмет етуге, елін сүюге, білімге мәдениет арқылы ұлттың дамуына үлес қосуға, замана көшіне ілесіп жаңалық жаршысы бола білуге тәрбиелейді.