2025 жылғы 24 қыркүйекте Қазақстан Республикасы ІІМ М.Бөкенбаев атындағы Ақтөбе заң институтының профессорлық-оқытушылар құрамы Қазақстан Республикасы Ұлттық ұланының «Батыс» Өңірлік қолбасшылығының батальон штаб бастықтарымен және бастығының аға көмекшілерімен бірлесіп «Әскери қызметшілердің патрульдік посттық қызметті атқару барысында туындайтын штаттан тыс жағдайлар кезіндегі іс-әрекеті» тақырыбында кездесу сабағын өткізді.

2025 жылғы 23 қыркүйекте Қазақстан Республикасы ІІМ М. Бөкенбаев атындағы Ақтөбе заң институтында институт бастығы орынбасарының қатысуымен инспектор-психологтар «Ішкі істер органдарының тұрақты және ауыспалы құрамының қызметкерлері арасында суицидтің алдын алу» тақырыбында жұмыс тобының отырысын өткізді. Отырыста өзекті мәселелер талқыланып, ұсыныстар берілді.

Әскери ант – бұл курсанттардың Отанға, халыққа және конституциялық құрылысқа адал болуға берген анты. Ол жас сарбаздардың әскери қызметке кірісуін және олардың жауынгерлік борышты орындауға дайындығын білдіреді.Бүгін салтанатты іс-шара барысында курсанттар өздерінің басшыларының, ардагерлердің, ата-аналарының және құрметті қонақтардың алдында сапқа тұрып, Қазақстан Республикасына қызмет етуге салтанатты түрде ант берді.