20.09.2017
«Тіл мерекесі» күніне орай, Қазақстан Республикасы ІІМ М.Бөкенбаев атындағы Ақтөбе заң институтының ауыспалы құрамы арасында ағымдағы жылдың 19 қыркүйекте қазақ күресінен «Түйе палуан» жарысы, күш сынасу және арқан тарту жарыстары өткізілді.
Институт басшылығы, әскери және дене шынықтыру даярлығы кафедрасының профессорлық – оқытушы құрамы қазақтың ұлттық ойын түрлеріне үлкен назар аударуда.
Жарысқа қатысушы спортшылар сапқа тұрғызылып, Қазақстан Республикасының гимні орындалып, Қазақстан Республикасы ІІМ М.Бөкенбаев атындағы Ақтөбе заң институтының бастығы з.ғ.к., полиция полковнигі С.И. Қаракүшев спортшылар мен жанкүйерлерді «Тіл мерекесі» күнімен құттықтап, жарысқа қатысушы спортшыларға сәттілік тілеп, спортта жоғары белестерді бағындыруға серпін беріп, жарысты салтанатты түрде ашты.
Жарысқа 4 команда қатысып, төмендегі аты аталған курсанттар мен тыңдаушылар жүлделі орындарға ие болды: Атап айтсақ: күш сынасу жарысында 1-ші орынды арнайы бастапқы оқыту курсының тыңдаушысы И.Насточенко, 2-ші орынды 2 курс курсанты Д.Бегімов, 3-ші орынды 2 курс курсанты Д.Құдайбергенов жеңіп алса, арқан тартудан 1-ші орынды институттың 2 курс командасы, 2-ші орынды 1 курс командасы, 3-ші орынды арнайы бастапқы оқыту курсы жеңіп алды. Сонымен қатар қазақ күресінен 1-ші орынды 2 курс курсанты М.Үсенов жеңіп алып, «Түйе палуан» атанды, 2-ші орынды 1 курс курсанты С.Советханов, 3-ші орынды 2 курс курсанты Д.Ануарбеков жеңіп алды.
Жарыс әуенмен жақсы көңіл-күйде өтіп, Қазақстан Республикасы ІІМ М.Бөкенбаев атындағы Ақтөбе заң институтының бастығы з.ғ.к., полиция полковнигі С.И.Қаракүшев жеңімпаздар және жүлдегерлер мақтау қағаздарымен, бағалы сыйлықтармен марапаттап, салтанатты түрде аяқтады.
ҚР ІІМ М.Бөкенбаев атындағы
Ақтөбе заң институты
ӘжДШД кафедрасының
аға оқытушысы
полиция майоры А.А. Мергалиев
