29.03.2018

2018 жылдың 28 наурызы күні «CRIMINALIST» ғылыми-үйірмесінің ұйымдастырумен 2018 жылғы 10 қаңтардағы Қазақстан Республикасы Президентінің «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын насихаттау мақсатында «ХХІ ғасыр көшбасшысы» зияткерлік ойыны өткізілді. Ойынды Ақтөбе облыстық қылмыстық атқару жүйесі департаментінің бастығы, полиция полковнигі Ақылжанов Ернат Кенжеханұлы ашты. Екінші болып сөз алған институт бастығы, полиция полковнигі Сәлімгерей Иманғалиұлы Қаракүшев  ойынға қатысушыларға сәттілік тіледі. Әділқазылар құрамында институт бастығының оқу жұмысы жөніндегі орынбасары, полиция полковнигі Д.А.Дәулетияров, кафедра бастығы полиция полковнигі А.Г.Игольников және кафедра бастығының орынбасары полиция полковнигі Б.С.Есмағанбетов болды.

               Ойынға 1 А курсынан  6  курсант қатысты. Ойын 4 турдан тұрды. 1 тур «Бәйге» – ойыншыларға жеңіл, орташа және қиын он сұрақтан 30 сұрақ берілді. 2 турда «Полиглот» – ойыншыларға жұмбақ жасырылды, олар оның шешімін тауып үш тілге аударулары тиіс болды. Екі турдың қорытындысы бойынша ұпайы аз екі ойыншы ойыннан шығарылды. 3 тур «Пәнді және сұрақты таңда» деп аталды. Ойыншылар пәнді және ұпайына байланысты сұрақты таңдады. Бұл турдың қорытындысы бойынша тағы екі ойыншы ойыннан шығарылып, ақтың мәреге екі ойыншы қалды. Қалған екі ойыншы 30 секунд ішінде берілген сұрақтарға жауап беріп, тиісті ұпайларын алды.

               Ойын нәтижесінде жүлделі І орын алғаны үшін 103 оқу тобының курсанты Жаңбырбай Исламбек дипломмен, ІІ орын алғаны үшін 102 оқу тобының курсанты Аманбай Көркемай Алғыс хатпен және қатысқаны үшін Забихова Зарина, Жақсылықова Ұлболған, Дәулетбайұлы Жандос, Алипов Еркебұлан деген курсанттар сертификаттармен марапатталды.

«CRIMINALIST» ғылыми-үйірмесінің жетекшісі

полиция капитаны

А.Ж.Қиюбек