ҚР ІІМ М.Бөкенбаев атындағы Ақтөбе заң институтының біліктілікті арттыру және кадрларды қайта даярлау факультетінің бастығы Қайнар Е.Е., және аға оқытушы-әдіскері Уаисов Б.Ж., Шымкент қаласының жалпы білім беру мекемелерінде кәсіби бағдар беру жұмыстарын жүргізіп, жоғарғы оқу орнының артықшылықтарын, оқуға қабылдау талаптарын түсіндірді.

Институт қызметкерлері полиция полиция полковнигі М.Алғожаев, полиция полковнигі М.Ешманов және полиция подполковнигі А.Салимов Алматы облысы, Қонаев қаласының жоғарғы сынып оқушаларымен кездесіп, оқуға түсу бойынша кәсіптік бағдар беру жұмысын жүргізді.

18.01.2024 ж күні оқушыларға кәсіби бағдар беру және мамандыққа бағыттау мақсатында ҚР ІІМ Малкеджар Бөкенбаев атындағы Ақтөбе заң институтының маманы А.Қ. Қосмуратов және Қожа Ахмет Яссауи атындағы Халықаралық Қазақ-Түрік Университетінің мамандары Есжан А, Ертай Ә 10-11 сынып оқушыларына түсіндірме жұмыстарын жүргізді.

Ағымдағы жылдың 15 қаңтарында институт бастығының орынбасары, полиция подполковнигі Е. Балымов Абай облысы полиция департаментінің қызметкерлерімен бірлесіп қала және облыс мектептерінің түлектерімен кәсіптік бағдар беру жұмыстарын жүргізді. Кездесу барысында ІІМ ведомстволық жоғары оқу орындарына түсу ережелері мен тәртіптері қаралды.

Полиция қызметінің беделі жыл сайын артып келеді. Ішкі істер органдарында қызмет етуге бет бұрған жастардың саны көбеюде. 15 қаңтарда Институтқа әкімшілік қызмет бағытында қысқа мерзімді оқуға (2 ай) ішкі істер органдарына іріктеуден өткен үміткерлер қабылданды.