9.04.2018

2018 жылғы 26 наурыз бен 7 сәуір аралығында Қазақстан Республикасы ІІМ М.Бөкенбаев атындағы Ақтөбе заң институтында АКҚБ инспекторлары және аға инспекторлары біліктілігін арттыру курсынан өтіп, аяқтады. 

Біліктілікті арттыру курсында оқу процесі бекітілген оқу және тақырыптық  жоспарлары негізінде өткізілді.

2018 жылғы 27 наурызда институт базасында оқу процесін тәжірибеге бағыттау мақсатында біліктілігін арттыру курсының тыңдаушыларына Арнайы күзет қызметі басқармасы (АКҚБ) бағыты бойынша сабақтан тыс уақытта Ақтөбе облысы АКҚБ бастығы полиция полковнигі Р.Маханов тәжірибелік сабақ өткізді.

  2018 жылғы 28 наурызда  РФ ІІМ И.Д.Путилин атындағы Белгород заң институтының психология және педагогика кафедрасының бастығы, з.ғ.к., полиция полковнигі К.Н.Лобановтың «Психология общения сотрудников органов внутренних дел с гражданами при проведении массовых мероприятий» тақырыбында және педагогика кафедрасының доценті, ә.ғ.к., полиция полковнигі К.С. Колесниковтің «Психологические основы выявления подозрительных лиц при охране общественного порядка при проведении массовых мероприятий и общения с ними» тақырыбында өткізілген шеберлік сабағын тыңдады.

Оқу процесін тәжірибеге бағыттау мақсатында тыңдаушыларға арналған шығу сабақтары өткізілді. Атап айтсақ, ӘҚжІІО ӘҚ кафедрасының аға оқытушысы полиция подполковнигі М.Избасов Ақтөбе облысы ІІД жедел басқару орталығына және АКҚБ басқармасына шығу сабақтарын ұйымдастырды.

Сабақтан бос уақыттарында тыңдаушылар институттың жалпы кітапханасында дайындалып,  сонымен қатар, Есет батыр мемориалдық кешеніне, Т.Ахтанов атындағы драма театрына, А.Молдағұлова мұражайына, институт мұражайына барды.

Тыңдаушылар оқу курсы аяқталған соң, өткізілген тақырыптардың аясында кешенді емтихан тапсырды. Тыңдаушыларға курсты толық оқып аяқтағандығы жөнінде сертификат берілді.

  

ҚжКБФ оқытушы-әдіскері

полиция капитаны

Г.С.Инжилисова