23.04.2018

  Қазақстан Республикасы Ішкі істер министрінің 2018 жылғы 09 қаңтардағы № 14  «Арнайы бастапқы оқыту, қайта даярлау және біліктілігін арттыру курстарының 2018 жылға арналған жоспар-кестелерін бекіту туралы» бұйрығына сәйкес, 2018 жылғы 22 қаңтар мен 21 сәуір аралығында  Қазақстан Республикасы ІІМ М. Бөкенбаев атындағы Ақтөбе заң институтына  ІІО-ның қатардағы және кіші басшы құрамдағы лауазымдарына  үміткер 72 тыңдаушы қабылданды және аяқтады. 

  Қазақстан Республикасы ІІМ  2016 жылғы 27 желтоқсандағы №1194 «Арнайы бастапқы оқыту курстарының үлгілік оқу жоспарларын бекіту туралы» бұйрығына сай оқу жоспары бойынша 10 негізгі пән және 3 факультатив пәндері оқытылды.  

Оқу сабақтарын тәжірибемен ұштастыру мақсатында келесі шығу сабақтары өткізілді, олар:  2018 жылғы 27 ақпанда «Криминалистика негіздері» пәнінен ҚР ӘМ Ақтөбе облыстық сот-сараптау орталығына, 05 наурызда «Арнайы техника» пәнінен Ақтөбе облысы ІІД жедел басқару орталығына, 09 наурызда «Кәсіби даярлық» пәнінен учаскелік полиция пунктіне барды. Сабақ барысында оларға ақпараттық-іздеу құралдарының жаңа техникалық жетістіктері мен қызметтік  мүмкіндіктері  туралы  кең  мағлұмат берілді.

2018 жылғы 06 наурызда атыс даярлығы пәнінің тақырыптық жоспарына сәйкес, қатардағы және кіші оқыту курсының тыңдаушыларымен 9 мм Макаров тапаншасынан №1 орындауға оқу-жаттығу және Калашников автоматынан №6655 әскери бөлімінің атыс алаңында тәжірибелік атыс өткізілді, қауіпсіздік шараларын  қамтамасыз  ету үшін Қазақстан Республикасы ІІМ бұйрығы және нұсқаулыққа сәйкес талаптары  түсіндірілді және алдын ала сынақ қабылданып, институт психологі тыңдаушылармен тесттік тексеріс жүргізді.

2018 жылғы 18 сәуірде оқу бағдарламасын тәжірибемен ұштастыру мақсатында арнайы бастапқы оқыту курсының тыңдаушыларына (жергілікті полиция қызметі желісі бойынша) сабақтан тыс уақытта біздің институттың түлегі  Астана қаласы ІІД-ден келген ЖПҚ инспекторы полиция лейтенанты

Н.Б. Хамитов тәжірибелік сабақ өткізді. Аталған сабақта тәжірибелік сабақ өткізіп, оларға жол қиылыстарында автокөліктердің жүруін реттеу, арнайы құралдарды қолдану тәрізді тәжірибелік сұрақтармен таныстырып өтті.

      Арнайы бастапқы оқыту курсы  тыңдаушыларына рухани тәрбие беру мақсатында  взвод кураторлары оларды Т.Ахтанов атындағы облыстық драма театрына  «Локоматив» театрына және Кеңес Одағының батыры                      Ә Молдағұлова атындағы облыстық мұражайға, батырлар аллеясына апарды.

 Алғашқы оқу орнының факултетімен бірге психолог Ислямгалеева М. арнайы оқу орнына аусып, келген тыңдаушымен сауалнама жүргізді жәнеде оның жүріс тұрысы жайында жәнеде оның мінез құлқын, тәртіпке бағынуы туралы әңгіме жүргізді.

            Курс соңында  тыңдаушыға арнайы бастапқы оқыту курсын оқып аяқтағандығы жөнінде сертификат беріліп, оқу барысында үлгілі нәтижелер көрсеткен, инстиуттың қоғамдық өміріне атсалыса  қатысқан тыңдаушылар институт бастығының атынан алғыс хаттармен марапатталды.