28.04.2017

Ағымдағы жылдың 27 сәуірінде Қазақстан Республикасы ІІМ М.Бөкенбаев атындағы Ақтөбе заң институтында «Ұлтымыздың рухани негізгі тілі» тақырыбында дөңгелек үстел өтті.

Аталған іс-шараны  оқу-әдістемелік орталығы  және күндізгі оқу факультеті, білім сапасын мониторингілеу және бақылау бөлімі ұйымдастырды. Дөңгелек үстел жұмысына мемлекеттік тіл және ақпарат бөлімшесі  бастығы Нұрмұхамбетова Жанат Бердалықызы  сонымен қатар, 1- курс оқу топтарының курсанттары қатысты.

Дөңгелек үстелдің мақсаты- курсанттарды туған тіліне деген  құрметке және   патриоттық, отансүйгіштік қасиеттеріне баулу. Іс-шара барысында Қазақсан Республикасы  Президенті Н.Ә. Назарбаевтың «Болашаққа бағдар: рухани жаңғыру» атты мақаласы дөңгелек үстел қатысушыларымен талқыланып, аталған тақырыпта мақалалар мен баяндамалар оқылды. Дөңгелек үстелде курсанттар өздерінің ой-пікірлерімен бөлісті. Ісшара соңында қатысушыларға алғысхаттар тапсырылды.

 Оқу-әдістемелік орталығының оқытушы-әдіскері полиция майоры А.А. Сағынтаева