20.11.2024

Жастардың құқықтық сауаттылығын арттыру және құқықтық тәртіп мәдениетін қалыптастыру, азаматтық қасиеттерге баулу, сонымен қатар кәсіптік бағдар беру мақсатында институтта С.Бәйішев ат. колледж студенттеріне институт аумағына экскурсия ұйымдастырылды. Шара студенттерге институт тарихының таныстыруымен басталды.

Экскурсия барысында курсанттар мен тыңдаушылардың жатын орны, саптық алаңы, кримполигон, институт мұражайы, медицина бөлімі, кітапхана, акт, спорт залдары көрсетіліп, сабақ кестесіне сай атыс дайындығы, криминалистика, күрестің жауынгерлік тәсілдері сабақтарына қатыстырылды.

Заманауи атыс, криминалистика құралдарымен, күрестің әдіс-тәсілдерімен танысып, білім мен білікті, спорттық дағдыларды қатар талап ететін мамандыққа студенттер үлкен қызығушылық танытты.