22.12.2022

Бөлімнің құрылымын, штаттық санын Қазақстан Республикасы Ішкі істер министрі Қазақстан Республикасының заңнамасында белгіленген тәртіпте бекітеді.

             Бөлім:

1) бөлім бастығы – 1 бірліктен;

2) бөлімнің аға инспекторы – 2 бірліктен;

3) жұмылдыру жұмысы және азаматтық қорғаныс бойынша аға инспекторы – 1 бірліктен; 4) бөлім инспекторы – 2 бірліктен тұрады.

Жоспарлау және бақылау бөлімін полиция подполковнигі Айнагуль Тайшыбаева Сагандуковна басқарады, оның қарамағында аға инспектор полиция майоры Жанат Кеңесовна Кудайбергенова, аға инспектор полиция майор Азамат Кунтуевич Садыков, жұмылдыру жұмысы және азаматтық қорғаныс бойынша аға инспектор полиция майоры Қуаныш Бекзат Дүзелбайұлы, инспектор полиция майоры Мейрамгуль Бериковна Елеусизова,  инспектор полиция аға лейтенанты Мухит Канатович Ергалиев, жұмыс істейді.

Бөлімнің құрылу тарихи

Бөлім 2016 жылы Қазақстан Республикасы ІІМ М. Бөкенбаева Ақтөбе заң институтының жоспарлау және үйлестіру бөлімшесі ретінде құрылды.

2019 жылдың қараша айында жоспарлау және үйлестіру бөлімі жоспарлау және бақылау бөлімі болып қайта құрылды (ІІМ-нің «Ұйымдық-штаттық өзгерістер туралы» № 975 бұйрығы).

Бөлімнің міндеттері

1) ақпаратты жинау және институттың қызметін, бөлімшелердің жұмысын талдау. Осы негізде олардың қызметін, ақпараттық және есеп беру құжаттарын жетілдіру жөнінде ұсыныстар дайындау;

2) институттың перспективалық және негізгі іс-шараларын жоспарлау;

3) кешенді қызметтік, қаржылық-шаруашылық және өзге де міндеттерді шешу бойынша  өзара бақылау жұмысын қамтамасыз ету;

4) бейбіт және соғыс уақытындағы міндеттерді орындауға институттың жедел-қызметтік және жұмылдыру дайындығын қамтамасыз ету;

5) институт бөлімшелерінде орындаушылық тәртіпті нығайту, бөлімшелер мен қызметтердің қойылған міндеттерді, бұйрықтар мен нұсқауларды орындауын бақылау.

Бөлімнің функциялары

1) нұсқаулықтардың, бұйрықтардың, нұсқаулардың, жедел кеңестердің шешімдерін, институттардың, факультеттердің, кафедралар мен бөлімдердің ұсыныстарын ескере отырып, институттың перспективалық және ағымдағы жоспарларын әзірлеу;

2) институттың жұмыс жоспарларының уақтылы және толық орындалуына бақылауды жүзеге асыру;

3) институттың, факультеттердің, кафедралардың, қызметтер мен бөлімшелердің жұмысын жоспарлауды жүзеге асыруға әдістемелік көмек көрсету;

4) институт жұмысының ай сайынғы күнтізбелік кестесін әзірлеу;

5) институт бастығының тапсырмасы бойынша Қазақстан Республикасы Президентінің Заңдары мен Жарлықтарын және Үкіметінің қаулыларын, Қазақстан Республикасы ІІМ бұйрықтары мен нұсқауларын іске асыру бойынша арнайы кешенді және мақсатты жоспарларды дайындау;

6) институт бастығы жанындағы жедел кеңес өткізуді жоспарлау және дайындау;

7) ІІМ оқу орындарының қызметін жоспарлаудың қолда бар оң тәжірибесі туралы ақпаратты зерделеу және қорыту;

8) анықталған кемшіліктерді жою жөніндегі іс-шаралардың, оның ішінде жоғары тұрған инстанциялар жүзеге асыратын инспекторлық және өзге де тексерулер барысында анықталған кемшіліктерді жою жөніндегі іс-шаралардың орындалуын бақылау;

9)  институт бастығының бір жолғы тапсырмаларының орындалуын бақылау;

10) Қазақстан Республикасы ІІМ және басқа да мемлекеттік органдары мен ұйымдарының нормативтік-құқықтық актілерінің, алқа шешімдерінің, жедел кеңестерінің, қызметтік құжаттарының орындалуын бақылауды ұйымдастыру;

11)  институттың құрылымдық бөлімшелері қызметінің жоғары тұрған органдарымен кешенді инспекторлық тексеру барысында анықталған кемшіліктерді жою бойынша іс-шаралардың орындалуын бақылау;

12) орындалған іс-шараларды бақылаудан алу орындаушылар атқарылған жұмыс туралы институт бастығына немесе жетекшілік ететін орынбасарларға баяндағаннан кейін ғана (Құжаттамалық қамтамасыз ету тобына тіркелген орындау туралы құжатты жоспарлау және бақылау бөліміне орындаушының қолы қойылып, бақылау карточкасына белгі қою үшін ұсынады);

13) іссапарға жіберу туралы бұйрықтардың жобаларын дайындау, іссапар куәліктерін ресімдеу және іссапар нәтижелері бойынша есептерді қабылдау;

14) Қазақстан Республикасы ІІМ Алқасына институттың атқарған жұмысының нәтижелері туралы анықтама дайындау.

Бөлім басқарушылық қызметті жетілдіруге, кешенді талдаулар жасауға, басқарушылық шешімдердің, институттың негізгі міндеттерін айқындайтын негізгі ведомстволық және нормативтік құжаттардың орындалуын жоспарлауға және бақылауды ұйымдастыруға елеулі үлес қосады.       

Сондай-ақ, бөлім институт Регламентіне және жедел кеңес туралы ережеге сәйкес институттың алқалы органының қызметін ұйымдастыруды қамтамасыз етуді жүзеге асырады, институт қызметкерлерінің қызметтік іссапарларын жоспарлау мен ұйымдастыруды Қазақстан Республикасы Үкіметінің 2018 жылғы 11 мамырдағы “Бюджет қаражаты есебінен қызметтік іссапарларға арналған шығыстарды өтеу қағидаларын бекіту туралы” №256 Қаулысына сәйкес жоспарлау және бақылау бөлімі туралы Ережені басшылыққа ала отырып, өз құзыреті шегінде ІІМ алқалы органдарының отырысына басшылықтың қатысуы үшін талдамалық материалдар дайындауды жүзеге асырады.

Бөлім қызметкерлеріне жоғары талаптар қойылады. Қызметкерлер өз міндеттерін орындаудың үлгісі болуға және жоғары кәсіби дайындығымен, ұйымдастырушылық қабілеттерімен, қолданыстағы заңнаманы терең білуімен, жоғары қызметтік және штабтық мәдениетімен, мінсіз тәртібімен, орындаушылығымен, бастамашылдығымен, қойылған міндеттерді орындауға шығармашылық көзқарасымен ерекшеленуі тиіс.

Өткізілген іс-шаралар

25.01.2024 ж.

Қазақстан Республикасы ІІМ М. Бөкенбаев атындағы Ақтөбе заң институтында кеңейтілген жедел кеңес өткізілді.

Қазақстан Республикасы ІІМ М. Бөкенбаев атындағы Ақтөбе заң институтында кеңейтілген жедел кеңес өткізілді. Институт бастығы Н.Ж.Мұхаметқалиев ІІМ кеңейтілген Алқа отырысындағы Мемлекет басшысы Қасым-Жомарт Тоқаев пен Ішкі істер министрі полиция генерал-лейтенанты Ержан Сәденовтің жеке құрамға қойылған негізгі талаптары мен тапсырмаларын жеткізді.

 Мемлекет басшысы қоғаммен бірге полиция да түбегейлі өзгеруі тиіс деп санайды: «Полиция қашанда халыққа үлгі-өнеге болуы керек. Сонда ғана жұрт полицияға сенеді, оны қорған көреді». 

Кеңесте институт бастығының оқу, ғылыми және кадр жұмысы жөніндегі орынбасарларының баяндамалары тыңдалды. Кеңесті қорытындылай келе, институт бастығы жеке құрамына 2024 жылға арналған бірқатар басым міндеттерді қойды, оның ішінде — тыңдаушылардың үлгерімін арттыру, тиімді тәрбие жұмысы және идеологиялық іс-шараларды ұйымдастыру.

Ақтөбе заң институтында

2023 жылдың жартыжылдығының қорытындысы бойынша

ІІМ Алқасының шешімін жеткізу туралы кеңейтілген жедел кеңес өтті.

Институт бастығы жеке құрамға Қазақстан Республикасы ІІМ алқасының 2023 жылғы 30 маусымдағы шешімін жеткізді.

Кеңесте институттың тәрбие, психологиялық, кадрлық жұмысы туралы есептер тыңдалды.

Басшылар алдағы жартыжылдыққа бірқатар міндеттер қойды, оның ішінде-тыңдаушылардың үлгерімін арттыру, тиімді тәрбие жұмысы және идеологиялық іс-шаралар.