21.09.2017

          2017 жылдың 20 қыркүйек күні «Ұстаздар күні» мерекесін өткізу қарсаңында, Қазақстан Республикасы ІІМ М.Бөкенбаев атындағы Ақтөбе заң институтының жеке құрамы арасында арқан тарту, белтемірге тартылу, жерді тіреп қолды бүгіп-жазу (ер адамдар арасында) және волейбол (әйел адамдар арасында) жарысы ұйымдастырылды. Арқан тарту, белтемірге тартылу, жерді тіреп қолды бүгіп-жазу спорт алаңында өткізілсе, волейбол жарысы спорт залда өткізілді.

Жарыстың ашылу салтанатында Ту көтеріліп, Қазақстан Республикасының Гимні орындалып, институт бастығының ғылым жұмысы бойынша орынбасары, з.ғ.к., полиция подполковнигі Ғалия Жаңабекқызы Сулейманова сөз сөйледі.

          Жарыстың ережелерімен институттың профессорлық-оқытушылық құрамына әскери және дене шынықтыру даярлығы кафедрасының оқытушылары таныстырды.

         Арқан тарту жарысынан келесі орындарға: «Арлан» командасы 1-ші орынға, «Жалын» командасы 2-ші орынды иеленді. Жарыста әр команда жеңуге деген үлкен ерік көрсетті.

         Белтемірге тартылудан ӘжДШД кафедрасының оқытушысы полиция аға лейтенанты Жарас Қаирбайұлы Қаирбаев 1-ші орынды иеленсе, ӘҚжӘҚ ІІО кафедрасының кабинет бастығы Айдын Айтбайұлы Бейсенбаев 2-ші орынға, ғылыми зерттеу және редакциялық баспагерлік жұмысын ұйымдастыру бөлімінің инспекторы Серік Маратұлы Беккужиев 3-ші орынды иеленді.     

         Жерді тіреп қолды бүгіп-жазудан оқытудың инновациялық технологоялары мен техникалық құрылғылары бөлімінің инженері полиция капитаны Болатбек Қуаналыулы Ибраимов 1-ші орынды иеленсе, ӘжДШД кафедрасының доценті полиция полковнигі Қайрат Досжанұлы Үмбетбаев 2-ші орынға, ӘжДШД кафедрасының доценті полиция подполковнигі Ғазес Мұхтарұлы Мухамедьяров 3-ші орынды иеленді.     

         Институттың әйелдер арасындағы волейбол жарысына 3 команда қатысып, айналмалы жүйе бойынша бәсекеге түсті. Жарыста ұпай санымен «Жеңіс» командасы алға шықты. 2-ші орынға «Арлан» командасы, 3-ші орынға «Алға» командасы иеленді.

         Осы волейбол жарысында «Үздік шабуылдаушы» номинациясына ие болған «Жеңіс» командасының ойыншысы кадр жұмысы бөлімінің аға инспекторы полиция майоры Курманова Айгүл Еркиновна, «Үздік ойыншы» номинациясына ие болған «Арлан» командасының ойыншысы ғылыми зерттеу және редакциялық баспагерлік жұмысын ұйымдастыру бөлімінің инспекторы Байкунакова Гулнара Акбаровна, «Үздік байланыстырушы» номинациясына ие болған «Алға» командасының ойыншысы институттың бас есепшісі Естаулетова Сымбат Мухтарқызы ие болды.  

           Жарыстың марапаттау рәсімінде Қазақстан Республикасы ІІМ М.Бөкенбаев атындағы Ақтөбе заң институтының бастығы, заң ғылымдарының кандидаты полиция полковнигі Сәлімгерей Иманғалиұлы Қаракүшев жеңіске жеткен командаларды мақтау қағазымен марапаттады.

                                                                              Институттың ӘжДШД кафедрасының              

                                                                              оқытушысы

                                                                              полиция аға лейтенанты Ж.Қ. Қаирбаев

                                                                             Институттың ӘжДШД кафедрасының             

                                                                             оқытушысы

                                                                             полиция аға лейтенанты А.Қ. Қосмұратов