6.04.2018

2018 жылғы 5 сәуірде қылмыстық процесс және криминалистика кафедрасының бастығы полиция полковнигі А.Г. Игольников пен қылмыстық процесс және криминалистика кафедрасының оқытушысы полиция майоры С.М. Минайдаров ҚР ІІМ М.Есболатов атындағы Алматы академиясы,ҚР ІІМ Б.Бейсенов атындағы Қарағанды академиясы,ҚР ІІМ Ш.Қабылбаев атындағы Қостанай академиясы,Ресей Федерациясы ІІМ Омбы академиясы және Орынбор мемлекеттік университеті курсанттарымен(студенттер) тәжірибелік сабақ өткізді. Тәжірибелік сабақ «Криминалистикалық трасология» және «Қаруды криминалистикалық зерттеу» тақырыбында өтті.

     Сабақ кафедра бастығы полиция полковнигі А.Г. Игольниковтің кіріспе сөзімен басталды.Одан әрі дайындалған бағдарламаға сәйкес курсанттар(студенттер) 4 топқа бөлінді. Әрбір топ қатысушылары практикалық қызметкердің рөлін сомдады(тергеуші,жедел уәкіл,участкелік полиция инспекторы,криминалист-маман,сот-медициналық эксперт). Шараға қатысушыларға үй жиһаздары, техника,заттай дәлелдеме,манекендермен жабдықталған пәтер,дүкен және тұрғын үй жертөлесінде болған әртүрлі қылмысқа қатысы бар оқиға орындарын тексеру ұсынылды.

№1 топ. Қинап өлтіру белгісі бар мәйітті тексеру.

№2 топ. Өзін-өзі өлтіру белгісі бар мәйітті тексеру.

№3 топ. Бұзу арқылы орындалған ұрлық бойынша оқиға орнын тексеру.

№4 топ. Трасологиялық іздерді анықтау, белгілеу, алу.

Тәжірибелік сабақтар өткізу барысында курсанттар(студенттер) іздерді,заттай дәлелдемелерді және зерттемелерді анықтау, белгілеу және алу бойынша теориялық сұрақтарды қарастырып, практикалық білімін жетілдірді.

     Полиция майоры С.М. Минайдаров «Қаруды криминалистикалық зерттеу» тақырыбындағы практикалық сабағында атыс, травматикалық, газды және пневматикалық қарудың үлгілерін, сондай – ақ, оқ-дәрілерін және қолданылғандағы іздерін(оқ,гильза,жарықшақ) көрсетті.

Тәжірибелік сабақ шынайы жағдайларға ұқсастырылып, криминалистикалық полигонда өткізілді.Сабақ аяқталғаннан соң, кафедра бастығы полиция полковнигі А.Г. Игольников қатысушыларға жоғары кәсіби шыңдарға жетуін және өз білімдерін қылмыспен күресуге, қоғамдық тәртіппен заңдылықты нығайтуға жұмсауын тіледі.

  

Қылмыстық процесс

және криминалистика

кафедрасының бастығы

полиция полковнигі                                                 

А.Г. Игольников