ҚР ІІМ М.Бөкенбаев атындағы Ақтөбе заң институтында халқымыздың ұлы кемеңгер, ойшыл ақыны, Абай Құнанбаевтың 180 жылдығына арналған « Ұлы Абай тағылымы» атты танымдық іс-шара өтті. Шараның басты мақсаты ақынның өмірі мен шығармашылығын таныту арқылы оның ақындық тұлғасы мен философиялық ойларынан нәр алғызу, сөз қазынасын, асыл мұратын жас ұрпақтың бойына сіңіру.

Қазақ халқының ұлы кемеңгер, ойшыл ақыны Абай Құнанбаев –ұлт санасының шамшырағы. Оның шығармалары жастарды өз халқына адал қызмет етуге, елін сүюге, білімге мәдениет арқылы ұлттың дамуына үлес қосуға, замана көшіне ілесіп жаңалық жаршысы бола білуге тәрбиелейді.

1941–1945 жылдардағы Ұлы Отан соғысындағы Жеңістің 80 жылдығына және Кеңес Одағының Батыры, қазақтың қаһарман қызы Әлия Молдағұлованың туғанына 100 жыл толуына орай кітап көрмесі ұйымдастырылды.Көрменің мақсаты — жас ұрпаққа патриоттық тәрбие беру, Отан үшін жанын қиған ерлердің ерлігін дәріптеу, соның ішінде Әлия Молдағұлованың қайсар мінезі мен батырлық жолын насихаттау.