Әскери ант – бұл курсанттардың Отанға, халыққа және конституциялық құрылысқа адал болуға берген анты. Ол жас сарбаздардың әскери қызметке кірісуін және олардың жауынгерлік борышты орындауға дайындығын білдіреді.Бүгін салтанатты іс-шара барысында курсанттар өздерінің басшыларының, ардагерлердің, ата-аналарының және құрметті қонақтардың алдында сапқа тұрып, Қазақстан Республикасына қызмет етуге салтанатты түрде ант берді.

Жалпы заң пәндері кафедрасының ұйымдастыруымен1-2 курс курсанттарына, магистранттарға және біліктілікті арттыру курсының тыңдаушыларына Мемлекет басшысы Қасым-Жомарт Кемелұлы Тоқаевтың Жолдауы түсіндірілді.Іс-шараның мақсаты – жастардың құқықтық санасын арттыру, Жолдауда көрсетілген негізгі бағыттарды түсіндіру және оларды кәсіби даярлықта тиімді пайдалану.

Патриоттық және кәсіби тәрбие беру, ардагерлердің үлгілері арқылы қызмет дәстүрлеріне құрмет көрсету мақсатында әкімшілік құқық және ІІО әкімшілік қызмет кафедрасы 2-курс курсанттарына арналған Кафедра күнін өткізді.Іс-шараға ІІО ардагері, отставкадағы полковник К.Манапбаев және «Дәріс-2016» қоғамдық қорының директоры Г.Едигеева қатысты.