Бүгін Институтта өткізілген салтанатты жиында Мемлекеттік рәміздер ұлықталып, ортаға қойылды, Әнұран шырқалды. Институт бастығының құттықтау сөзінен соң, мерекелік бұйрық оқылып,  қызметкерлерге арнайы атақтар табысталды. Шара қызметкерлер мен тыңдаушыларды ел мәртебесін көтеруге ынталандыруға бағытталған патриоттық іс-шаралардың бір көрінісі.

Өңірде Қазақстан Республикасының Мемлекеттік рәміздер күніне арналған мерекелік іс-шарада біздің институттың басшылығымен бірге 200 жуық тыңдаушылары қатысты. Ақтөбеліктер еліміздің әнұранын бірге орындады. Өңір басшысы Ералы Тоғжанов облыс тұрғындарын мемлекеттік мерекемен құттықтады.

2 маусымда арнайы-тактикалық даярлық шеңберінде арнайы кәсіби даярлық курсының тыңдаушыларына оқу-жаттығу жиындары ұйымдастырылды.Оның барысында арнайы құралдармен жаппай тәртіпсіздіктердің жолын кесу, тәртіп бұзушыларды ұстау және жеткізу, зардап шеккендерге алғашқы медициналық көмек көрсету, оқиға орнын тексеру тәсілдері пысықталды, сондай-ақ Калашников автоматынан оқу-тәжірибелік атыстар өткізілді.

1 маусым – Халықаралық балаларды қорғау күні “Аяла” өмірлік қиын жағдайдағы балаларды қолдау орталығында шағын-футболдан жарыс өткізілді. Шағын-футбол жарысына Ф.Оңғарсынова атындағы №41 мектеп-гимназиясының кадеттерінен, “Аяла” өмірлік қиын жағдайдағы балаларды қолдау орталығының тәрбиеленушілерінен құралған командалар қатысты. Жарыс қорытындысы бойынша жеңімпаз бен жүлдегерлерге институт бастығының грамоталары, кубоктар және сыйлықтар табысталды. 

31 мамырда жас оқытушылардың педагогикалық шеберлігін арттыру, педагогикалық қызметтің жаңа формалары мен әдістерін игерту, дағдыларын қалыптастыру мақсатында институт бастығы з.ғ.к., полиция полковнигі Н.Ж.Мұхаметқалиевтің төрағалығымен педагогикалық шеберлік мектебі шеңберінде сараланған сынақ өтті.