2 маусымда арнайы-тактикалық даярлық шеңберінде арнайы кәсіби даярлық курсының тыңдаушыларына оқу-жаттығу жиындары ұйымдастырылды.Оның барысында арнайы құралдармен жаппай тәртіпсіздіктердің жолын кесу, тәртіп бұзушыларды ұстау және жеткізу, зардап шеккендерге алғашқы медициналық көмек көрсету, оқиға орнын тексеру тәсілдері пысықталды, сондай-ақ Калашников автоматынан оқу-тәжірибелік атыстар өткізілді.

1 маусым – Халықаралық балаларды қорғау күні “Аяла” өмірлік қиын жағдайдағы балаларды қолдау орталығында шағын-футболдан жарыс өткізілді. Шағын-футбол жарысына Ф.Оңғарсынова атындағы №41 мектеп-гимназиясының кадеттерінен, “Аяла” өмірлік қиын жағдайдағы балаларды қолдау орталығының тәрбиеленушілерінен құралған командалар қатысты. Жарыс қорытындысы бойынша жеңімпаз бен жүлдегерлерге институт бастығының грамоталары, кубоктар және сыйлықтар табысталды. 

31 мамырда жас оқытушылардың педагогикалық шеберлігін арттыру, педагогикалық қызметтің жаңа формалары мен әдістерін игерту, дағдыларын қалыптастыру мақсатында институт бастығы з.ғ.к., полиция полковнигі Н.Ж.Мұхаметқалиевтің төрағалығымен педагогикалық шеберлік мектебі шеңберінде сараланған сынақ өтті.

28 мамырда 6 оқу тобының кураторы полиция капитаны К.Д.Такетова тыңдаушыларға Ақтөбе тарихи-өлкетану музейіне экскурсия ұйымдастырды.

Институттың Көлік объектілерінде қауіпсіздікті ұйымдастыру кафедрасының қызметкерлері қоғамдық қауіпсіздікті қамтамасыз ету контекстінде полиция қызметінің түрлі әрекеттерімен тәжірибелік тұрғыда таныстырды. Аталмыш шараға Ақтөбе облысының Полиция департаментінің Жедел қимылдайтын арнайы жасағы, Жарылғыш-техникалық кешендегі “Арлан” арнайы жасағы мен Кинологиялық қызметі және Жергілікті полиция қызметінің патрульдік полиция қызметкерлері белсенді қатысты.