29.04.2025

2025 жылдың 29 сәуірінде Ұлы Отан соғысы Жеңісінің 80 жылдығы мен Кеңес Одағының Батыры Әлия Молдағұлованың 100 жылдығы қарсаңында «Ерлік елге мұра» атты іс-шара аясында Ғалымжан Байдербесовтің «Аңызға айналған ару» атты кітабын 1-курс курсанттарына таныстыру рәсімі өтті.
Іс-шараға Ақтөбе облысының құрметті азаматы, белгілі журналист-ғалым, қоғам қайраткері және Әлия танушы Ғалымжан Байдербесовтің қызы – А.Ғ. Байдербесова, оның шәкірті – Б.Б. Қаумешов, сондай-ақ Кеңес Одағының Батыры Әлия Молдағұлованың облыстық мемориалды музейінің экскурсия жетекшісі – Ә.А. Амангелді арнайы шақырылып, институт ұжымы мен білім алушылармен кездесті. Кездесу барысында Ғ. Байдербесовтің шығармашылығы мен «Аңызға айналған ару» кітабының мазмұны туралы кеңінен әңгімеленді.
Бұл іс-шара жас ұрпақты патриоттық рухта тәрбиелеу, рухани құндылықтарды насихаттау және ел тарихындағы ерліктерді ұрпақтар жадында сақтау мақсатында ұйымдастырылды.